Me rastin e 80-vjetorit të lindjes së këngëtarit dhe kompozitorit të njohur bullgar të estradës Petër Çernev, pikërisht në ditëlindjen e tij - 7 tetor – ishte i gatshëm versioni i ri i këngës së tij "Formula magjike". Duke fituar çmimin e tretë në festivalin "Orfeu i Artë" në 1975, "Formula magjike" mbetet një nga këngët më ikonike të Petër Çernevit. Tani ky hit i përjetshëm me muzikë të Petër Çernevit dhe tekst të Mirjana Bashevës rikthehet në një aranzhim krejtësisht të ri. Performanca e këngës është plot emocion dhe shpirt, që bashkohen në zërat e vetë Petër Çernevit dhe vajzës së tij Jana Çerneva.
Petër Çernev lindi më 7 tetor 1943 në Vidin (Bullgaria Veriperëndimore) dhe u diplomua në Degën e Estradës në Konservatorin Shtetëror Bullgar në Sofje në vitin 1969 në klasën e Irina Çmihovës. Koncerti i tij i parë ishte me të. Pasuan çmime, bullgare dhe ndërkombëtare, koncerte, turne dhe regjistrime në një sërë vendesh. Veprimtaria e tij aktive u shtri në vitet 1970 dhe 1980.
Vajza e Petër Çernevit - Jana Çerneva - doli në skenë për herë të parë në moshën 4-vjeçare, kur babai i saj e inkurajoi të interpretojë një këngë para publikut.
Jana ka luajtur piano dhe kënduar që e vogël. Ajo u diplomua në Vjenë në degën e “Shkencave Teatrore, Filmore dhe Mediatike”. Sot Jana punon dhe jeton me familjen në SHBA, por shpesh udhëton në Bullgari.
Aranzhimi i ri i "Formula magjike" nga Aleks Nushev i jep këngës freski dhe aktualitet duke ruajtur thelbin e saj “zemërthyes”. Performanca e përbashkët e babit dhe bijës tregon fuqinë e muzikës për të bashkuar brezat dhe vlerat kulturore.
Përgatiti në shqip dhe publikoi: Vesella Mançeva
E njohim Marjana Dobrevën si këngëtare dhe autore këngësh, e cila shpesh performon duke i shoqëruar ato me kitarë.Që nga fundi i viteve ’90 të shekullit të kaluar, ajo është edhe ndër themelueset e grupit emblemë për Burgasin, "Siluetë". Në pranverë,..
Në lidhje me shpalljen e kandidaturës së përbashkët të qyteteve bullgare Gabrovo dhe Veliko Tërnovo për të qenë Kryeqyteti Evropian i Kulturës në vitin 2032, banorët e Gabrovos prezantojnë vlerat e përbashkëta kulturore të të dy qyteteve në disa..
Më 1 korrik 2025, Opera Shtetërore – Stara Zagora shënoi 100-vjetorin e saj. Në programin e dedikuar për këtë përvjetor të rëndësishëm, trupa e parë operistike jashtë kryeqytetit në Bullgari përfshiu dhjetë premiera, shfaqje të Studios për Fëmijë dhe..
Në lidhje me shpalljen e kandidaturës së përbashkët të qyteteve bullgare Gabrovo dhe Veliko Tërnovo për të qenë Kryeqyteti Evropian i Kulturës në vitin..
E njohim Marjana Dobrevën si këngëtare dhe autore këngësh, e cila shpesh performon duke i shoqëruar ato me kitarë.Që nga fundi i viteve ’90 të shekullit..