Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Kompanitë e teknologjisë së lartë i mbajnë shpresat te programet e praktikës për të mbajtur të rinjtë në vend

Foto: Freepik.com

Mbi 400 kompani operojnë në Bullgari në sektorët "Mekatronikë", "Elektronikë" dhe "Mikroelektronikë", të cilat janë të orientuara te eksporti, zhvillojnë inovacione dhe kanë prodhime moderne. Kështu tha ministri i Ekonomisë dhe Industrisë Bogdan Bogdanov. Sipas tij, të tre sektorët janë karakteristikëe vendit tonë dhe ai ka një vizion të qartë për zhvillimin e kapaciteteve të tyre.

Sipas ministrit të Arsimit Galin Cokov, fusha e elektronikës dhe mekatronikës është shumë e përshtatshme për përfshirjen e ardhshme të arsimit të dyfishtë në universitete. Aktualisht po krijohen programe të ngjashme baçelor dhe master dhe priten projekte nga ana e biznesit në këtë sektor.

Prof. Galin Cokov në hapjen e edicionit të tretë të Forumit

Në kuadër të programit "Shkenca dhe Edukimi për Rritje Inteligjente", shumicën e gjashtëmbëdhjetë Qendrave të Kompetencës dhe Ekselencës në vend po zhvillohen këto drejtime udhëheqëse në shkencën moderne inxhinierike - shtoi ministri. - Në programin e ardhshëm operacional, qendrat priten të lidhen dhe të punojnë me biznesin, për të ngritur startup-e në fushat përkatëse, për të arritur një realizim të caktuar të kërkimit shkencor”.

Edhe pse janë në vit të katërt, Antoni dhe Aleksi janë tashmë pjesë e industrisë së teknologjisë së lartë. Ata janë të përfshirë në një kompani belge me përvojë 20 vjeçare në prodhimin e mikroelektronikës, gjysmëpërçuesve, dizajnit të çipave, të cilët i japin jetë jo vetëm makinave, por edhe pajisjeve shtëpiake dhe sensorëve në ndërtesa. Ata thonë se në shoqëri ka edhe të rinj të tjerë, mes tyre edhe kolegë studentë.

Kam pasur një koleg që filloi të punonte që në moshë më të hershme dhe në një moment pata mundësi që t’i bashkohem edhe unë. Puna më ndihmon shumë në studime, sepse është në degën time”, thotë Antoni, ndërsa Aleksi shton: "Unë kam një vit që punoj në këtë kompani. Kishte vende edhe për praktikantë, por aktualisht unë jam me kontratë të përhershme."

Simeon Kostadinov gjithashtu punon për një kompani të teknologjisë së lartë dhe merret me softuer për prodhimin e qarqeve mikroelektronike. “Bizneset nuk kursejnë para dhe përpjekje për të trajnuar studentët sepse kërkojnë më të mirën”, thotë ai. Dhe meqenëse më të talentuarit zakonisht nxitojnë të largohen nga vendi, kompanitë po investojnë në programe serioze praktike për të mos i humbur ata.

"Ajo me të cilën ne merremi është shumë specifike dhe nuk mund të presim që universitetet të përgatisin personelin tonë - vazhdon Simeon Kostadinov. - Prandaj ne i marrim studentët e vitit të tretë dhe të katërt si praktikantë. Realiteti na detyron të mendojmë në këtë mënyrë - nga njëra anë, të përmirësojmë kompaninë, nga ana tjetër, të krijojmë një mjedis të favorshëm për studentët dhe specialistët bullgarë që të bëjnë atë që duan, duke zhvilluar industrinë e mikroelektronikës në vendin tonë në nivel botëror ”.

Vitet e fundit në vendin tonë ka pasur një kërkesë të madhe për personel inxhinierik, thotë Dimitër Nikollov, pedagog në Universitetin Teknik. Në të njëjtën kohë, ka mungesë interesi për degët e inxhinierisë. Megjithatë, ka edhe një rreze shprese - shteti kohët e fundit ka rizbuluar rëndësinë e teknologjive inxhinierike.

Qendra Kombëtare për Mekatronikën dhe Teknologjitë e Pastra në Universitetin Teknik

Ai imponon politika që pritet të japin rezultate për rritjen e numrit të studentëve dhe cilësisë së tyre - thotë Dimitër Nikollov. - Konkurrenca mes universiteteve bullgare dhe kompanive të huaja është mjaft e ashpër, por duhet të jetë e tillë që të mund të zgjidhet stafi më i mirë në treg. Ne mbajmë shumë prej tyre sepse së pari jemi bullgarë dhe së dyti për shkak të kushteve të ofruara. Në Bullgari mund të punosh me shumicën e kompanive që janë në fushën tonë dhe me të cilat ka partneritet universiteti jonë. Iniciativat dhe politikat janë konkurruese me ato në Evropën Perëndimore."

E sipas ministrit të Ekonomisë dhe Industrisë, Bogdan Bogdanov, nevojitet konsensus ndërmjet biznesit, sektorit publik dhe institucioneve arsimore për të garantuar zhvillimin ekonomik të vendit tonë.

Teksti: Diana Cankova (bazuar në intervistën e Dobromir Videv nga programi "Horizont" i BNR-së)

Fotot: Freepik.com, BTA, BGNES

Përktheu në shqip dhe publikoi: Kostandina Bello


Последвайте ни и в Google News Showcase, за да научите най-важното от деня!

Më shumë nga rubrika

Rrethi, trekëndëshi dhe kryqi – sekretet e alfabetit glagolitik marrin jetë në punëtoritë për fëmijë

Në vitin 2025, Bullgaria shënon 1170 vjetorin e krijimit të alfabetit glagolitik – alfabeti i parë sllav që i parapriu alfabetit cirilik . Me këtë rast, Biblioteka Kombëtare organizon punëtori të posaçme “Unë shkruaj në alfabetin glagolitik”,..

botuar më 25-05-22 6.55.PD

Jarosllav Veshin - një çek shumëngjyrësh në Bullgari

Më 22 maj, në Muzeun Kombëtar të Historisë Ushtarake hapet një ekspozitë e quajtur "Një çek shumëngjyrësh në Bullgari". Ekspozita i kushtohet 165-vjetorit të lindjes dhe 110-vjetorit të vdekjes së Jarosllav Veshin - piktorit të parë kryesor në..

botuar më 25-05-22 6.10.PD

Disa institucione bullgare bëhen pjesë e një itinerari kulturor kushtuar Shenjtorëve Kirill dhe Metodij

Universiteti i Sofjes "Shën Kliment Ohridski", Shkolla e Mesme Kombëtare për Gjuhë dhe Kultura të Lashta "Konstantin-Kirill Filozofi", Instituti Kulturor Bullgar në Bratislavë dhe Fondacioni Glagolitik do të pranohen sot anëtarë të plotë të..

botuar më 25-05-22 5.05.PD