Fushata bamirëse “Heronjtë e Pashkëve”

botuar më 13-04-29 11.52.PD

Foto: holidayheroes.bg

“Ndihmoji njerëzit në nevojë. Bëhu hero i festës!” – kjo është motoja e fushatës bamirëse me rastin e festës së Pashkëve. Një fushatë e tillë u organizua dhe gjatë festës së Krishtlindjeve. Atëherë u mblodhën para dhe ushqime për njerëzit në gjendje të vështirë sociale në Bullgari. Ideja e fushatave bamirëse i përket biznesmenit amerikan Michael Strumeitis i cili punon dhe jeton këtej 5 vite me radhë. Ai vendosi të sjellë në Bullgari përvojën e Amerikës dhe të inkurajojë biznesin bullgar për të ndihmuar njerëzit në nevojë. Sipas fjalëve të tij, në SHBA çdo korporatë dhuron një përqindje të fitimit të saj për bamirësi, kurse në Bullgari nuk ekziston kjo praktikë.

Gjatë Krishtlindjeve biznesi në Bullgari dhuroi 80 mijë euro. Me këto para u blenë ushqime për mijëra familje në gjendje të vështirë sociale. Fushata “Heronjtë e Pashkëve” ka një veçori. Për herë të parë do të organizohet aktiviteti bamirës “nga dera në derë”. Bullgarë të njohur personalisht do të shpërndajnë ushqimet mes njerëzve në nevojë. Lista e nevojtarëve përpilohet nga Bashkia e Sofjes, Kryqi i Kuq Bullgar, Banka e Ushqimit dhe nga njerëzit të cilët sinjalizojnë për të afërm dhe komshi të varfër. Mes ushqimeve gjenden buka e Pashkëve, mish qengji, djathë, kaçkavall, miell, sheqer, sallame, bonbone, çokollatë etj.

“Kjo fushatë ka për qëllim ndryshimin social në Bullgari – sqaron Michael Strumeitis. – Bëhet fjalë për vlerat e bullgarëve. Ne duam të tregojmë se ka mundësi për të ndihmuar njerëzit në gjendje të vështirë sociale. Bullgarët kanë kapacitetin dhe fuqinë të sjellin këtë ndryshim, sidomos tani. Kjo është një fushatë ku biznesi bullgar dhe bullgarët e ndihmojnë njëri-tjetrin. Fillimisht, shumë njerëz na thanë se kjo nuk mund të ndodhë. Mirëpo, firmat bullgare treguan se kjo nuk është një kauzë e humbur.”

Në faqen e saj të Facebook-ut fushata “Heronjtë e Pashkëve” ka mbi 15 mijë anëtarë. Përditë njoftimet e reja lexohen nga më se 250 mijë përdorues nga e gjithë Bullgaria dhe jashtë vendit. Pritet 500 vullnetarë të shpërndajnë paketat e ushqimeve mes 2000 familjeve në nevojë. Në këtë fushatë u përfshinë muzikantë dhe aktorë, po ashtu dhe bashkësitë e imigrantëve në Sofje nga Rusia, Armenia, Gjeorgjia, Moldavia, India, Turqia, Vietnami, Afganistani, Tunizia dhe Libani. Fushatën e përkrah dhe Misioni i Bullgarisë i Organizatës Ndërkombëtare të Migrimit.

Përgatiti në shqip: Anna Kapitanova

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Fushata bamirëse “Heronjtë e Pashkëve”

Më shumë nga rubrika

Bullgarët në Hungari me një festë të dyfishtë – Ditën e Miqësisë dhe marrjen e certifikatës së UNESCO-s për traditën e tyre të kopshtarisë

Gara më e madhe ndërkombëtare e dhomave escape po zhvillohet në Sofje

Anita Ekenova: Bullgaria është atdheu i shpirtit tim, Franca – vendi ku jetoj

U miratuan fondet për veprimtarinë e shoqatave bullgare jashtë vendit gjatë vitit 2025

Kanë kaluar tashmë 200 vjet që bullgarët e Besarabisë dhe të Tavrisë mallëngjehen për atdheun e tyre të lashtë

Festë "Monstruoze" në Kopshtin e Doktorit